Galigo 15

ᨅᨚᨂᨚᨊ ᨍᨙᨆ ᨑᨗᨔᨘᨑᨚ ᨑᨗᨄᨒᨙᨒᨙᨕᨗ ᨌᨗᨊ ᨊᨒᨙᨒᨙ ᨔᨑᨓ ᨞

Baca :
" Bongngona jemma risuro, ripalelei cinna nalele sarawa "

Pengertian Kata Sulit :
Ripalelei cinna : Rielori riseuwae (riseddie) tau
Nalele sarawa : De'nattentu pappojinna

Arti Kata Galigo :
" Nasaba abongngorenna, nade'naissengngi alena rielori riseuwae (riseddie) tau, nade' namanessa pappojinna "

Pengertian Secara Umum :
" Karena tidak tahu dirinya dicintai oleh seseorang, sehingga tidak memberi harapan kepada orang mencintainya "

Galigo 14

ᨅᨍᨙ ᨄᨒᨛᨈᨘᨀᨛ ᨔᨓ ᨉᨑᨑᨗ ᨆᨑᨛᨊᨗᨀᨘ ᨑᨗ ᨔᨁᨒᨕᨙᨉᨙ ᨞

Baca :
" Baje, palettukeng sawa' dararing marenni'ku ri sagalaede "

Pengertian Kata Suli :
Baje : Anging

Arti Kata Galigo :
" Anging palettukengnga parellukku ri tau makurangnge cau' kessingngi "

Pengertian Secara Umum :
" Angin, sampaikanlah maksud saya kepada orang yang tidak ada dua cantiknya "

Galigo 13

ᨅᨘᨂ ᨅᨘᨂ ᨈᨚᨋᨚ ᨔᨒᨚ ᨕᨘᨐᨄ ᨊᨈᨅᨘᨀ ᨀᨆᨛᨄᨗ ᨒᨗᨊᨚᨕᨙ ᨞

Baca :
" Bunga-bunga tonrong salo, iyyapa natabbukka, kame'pi linoe "

Pengertian Kata Sulit :
Bunga-bunga tonrong salo : Tau makessingnge sipa'na
Kame'pi linoe : Limbangpi rimanipi

Arti Kata Galigo :
" Tau makessingnge sipa'na, iyyapa namompo (namubba, narisenge), limbangpi rimaje (matepi) "

Pengertian Secara Umum :
" Orang yang baik budi, biasanya nanti dikenang setelah ia meninggal dunia "

Galigo 12

ᨅᨘᨑᨘ ᨈᨛᨊᨘᨊᨗ ᨕᨈᨗᨀᨘ ᨊᨈᨉ ᨕᨍᨘ ᨑᨛᨊᨗ ᨑᨗ ᨄᨂᨛᨆᨛᨑᨛᨀᨘ ᨞

Baca :
" Buru' tennunni atikku natadang aju renni ri pangemmerekku "

Pengertian Kata Sulit :
Natadang aju renni : Naedde' buku (rekko naedde'ki buku, de'namanyameng nyawae).

Arti Kata Galigo :
" Saba' nasolanginna atikku', aga nade'na namanyameng nyawaku (paneddikku)"

Pengertian Secara Umum :
" Karena ia telah merusak perasaanku, sehingga aku tidak senang "

Galigo 11

ᨅᨘᨂ ᨅᨘᨂ ᨒᨗᨔᨛ ᨔᨚᨋᨚ ᨆᨒᨒ ᨆᨔᨁᨒ ᨄᨈᨅᨘᨀᨕᨙᨂᨗ ᨞

Baca :
" Bunga-bunga lise' sonrong malala, masagala patabbukkaengngi "

Pengertian Kata Sulit :
Bunga-bunga lise' sonrong : Makkunrai makessing sipa'na

Arti Kata Galigo :
" Makkunrai makessingnge sipa'na (ampe-ampena), masagala (makurang) malala patunru'i "

Pengertian Secara Umum :
" Wanita yang baik budi akhlaknya, tidak sembarang orang yang dapat mempengaruhinya "

Galigo 10

ᨕᨇᨙᨒᨚ ᨀᨅᨒᨗ ᨅᨒᨗ ᨒᨗᨔᨛᨊ ᨕᨗᨐᨆᨘᨕ ᨕᨘᨂ ᨀᨒᨘᨀᨘᨕᨙ ᨞

Baca :
" Ampelo kabali'-bali' lise'na iyyamua unga kalukue "

Pengertian Kata Sulit :
Unga kalukue : Majanna kalukue

Arti Kata Galigo :
" Namauni ripinra ulina tau maja'e, natennapinra atinna, tette'i maja "

Pengertian Secara Umum :
" Bagaimanapun upaya kita merubah sikap orang jahat, bila hatinya buruk, maka tetap saja tingkah lakunya jahat "

Galigo 9

ᨕᨍ ᨆᨘᨆᨑᨛᨊᨘ ᨓᨙᨁ ᨆᨛᨋᨘᨊ ᨀᨒᨘᨀᨘᨕᨙ

ᨁᨒᨚᨃᨚ ᨒᨗᨔᨛᨊ ᨞

Baca :

"Aja mumarennu wegang menrunna kalukue, galongkong lise'na"

Pengertian Kata Sulit :
Menrunna kalukue : Mabuanna kalukue
Galongkong lise'na : De'gaga lise'na

Arti Kata Galigo :
" Aja' mumaladde' marennu rekko rijanciko seuwwae tau, de'ammana napaddupai jancinna "

Pengertian Secara Umum :
" Janganlah terlalu gembira bila engkau dijanji seseorang, siapa tahu tidak dapat dipenuhi janjinya "

Galigo 8

ᨕᨍᨅᨑᨙ ᨊᨅᨛᨒᨙᨐ ᨔᨋᨙᨔᨛ ᨊᨓᨊᨓ ᨑᨗ ᨆᨔᨁᨒᨕᨙ ᨞

Baca :
"Ajabare nabelleiyya sanreseng nawa-nawa ri masagalae"

Pengertian Kata Sulit :
Nabelleiyya : Napasisalai

Arti Kata Galigo :
"Aja' nabelleiyanga (napasisala) tau ri rennuangnge"

Pengertian Secara Umum :
"Mudah-mudahan tidaklah berdusta orang yang telah diharapkan (orang yang telah diberi amanah)".

Galigo 7

ᨕᨁᨈᨚᨀᨚ ᨆᨘᨑᨗᨔᨙᨂᨛ ᨆᨘᨈᨛᨅᨘ ᨈᨚᨋᨚ ᨔᨒᨚ ᨀᨛᨆᨙᨆᨘ ᨄᨍᨗᨊ ᨞

Baca :
"Agatokko murisenge' mutebbu tonrong salo, kemmemu pajinna"

Pengertian Kata Sulit :
Agatokko murisenge' : Murirampe
Tebbu tonrong salo' : Araso

Arti Kata Galigo :
"Agatokko murirampe madeceng, rupammu tau naiyyakia sipa'mu tanniya sipa' tau"

Pengertian Secara Umum :
"Untuk apa namamu selalu dikenang, sedangkan sifat perbuatanmu seperti bukan sifat manusia"

Galigo 6

ᨕᨁ ᨁᨘᨊ ᨆᨔᨑᨕᨙ ᨈᨛᨋᨙᨁ ᨒᨙᨔᨂᨛᨊ ᨄᨘᨑ ᨆᨀᨘᨓᨕᨙ ᨞

Baca :
"Aga guna masarae, tenregga lesangenna pura makkuwae"

Arti Kata Sulit :
Tenregga lesangenna : Temmappinra pura makkuwae

Arti Kata Galigo :
"Aga gunana tomasara, mappinraga toto pura riputoto'e"

Pengertian Secara Umum :
"Untuk apa kita sengsara, tidak akan berubah nasib yang telah ditentukan"

Galigo 5

ᨕᨀᨗᨈᨀᨚ ᨑᨗᨔᨒᨚᨕᨙ ᨆᨔᨚᨒᨚ ᨅᨍ ᨅᨍ ᨕᨈᨗᨀᨘ ᨑᨗᨒᨒᨛ ᨞

Baca :
"Akkitako risalo'e massolo' baja-baja atikku rilaleng"

Pengertian Kata Sulit :
Salo'e massolo' : Uwwai maccolo-colo ri salo'e
Baja-baja : Esso-esso

Arti Kata Galigo :
"Iyyatu uwwai salo'e temmappettu massolo' esso-esso, makkuatoniro pappojinna atikku"

Pengertian Secara Umum :
"Lihatlah air yang selalu mengalir di sungai, seperti itulah cinta dalam hatiku"

Galigo 4

ᨕᨀᨗᨈᨀᨚ ᨑᨗᨀᨙᨈᨛᨂᨙ ᨕᨒᨗᨒᨗ ᨕᨒᨗᨅᨘᨊ ᨕᨈᨗᨀᨘ ᨑᨗᨒᨒᨛ ᨞

Baca :
"Akkitako riketengnge allili alibunna atikku rilaleng"

Pengertian Kata Sulit :
Riketengnge : Wittoingnge

Arti Kata Galigo :
"Itai kessinna allibunna ulengnge, makuatoniro kessinna atikku"

Pengertian Secara Umum :
"Lihatlah baiknya bulatnya bulan, seperti itu pulalah baiknya hatiku"

Galigo 3

ᨕᨉᨕᨙᨆᨗ ᨊᨅᨙᨒᨚᨕᨗ ᨉᨈᨂᨛ ᨆᨙᨑᨕᨙᨆᨗ ᨊᨄᨔᨒ ᨕᨚᨋᨚ ᨞

Baca :
"Adaemi nabeloi datangeng meraemi napasala onro"

Pengertian Kata Sulit :
Datangeng merae : kangkangeng

Arti Kata Galigo :
"Ada tommi bawang, tennaulle paddupai"

Pengertian Secara Umum :
"Seorang yang pintar memutarbalikkan kata, tapi tidak mampu melaksanakan, dan tidak dapat menepati janji"

Galigo 2

ᨕᨍ ᨅᨑᨙ ᨊᨆᨒᨘᨒᨘ ᨔᨇᨘ ᨑᨗᨄᨂᨘᨍᨘᨕᨙ ᨕᨘᨒᨗᨅ ᨑᨗ ᨆᨍᨙ ᨞

Baca :
"Aja' bare namalullu sampu ripangujue ulimbang ri majeng"

Pengertian Kata Sulit :
Sampu : lipa', essowenni ripoji pakei

Arti Kata Galigo :
Aja' bare namarusa' pappojimmu lao ri iyya' ulettu mate

Pengertian Secara Umum :
"Mudah-mudahan niat suci saya mencintaimu tidak akan berubah sampai ajalku tiba"

Galigo 1

ᨕᨒ ᨀᨘᨊᨓ ᨊᨓᨁ ᨅᨒᨗ ᨑᨗᨈᨛᨂ ᨒᨒᨛ ᨈᨛᨀᨘᨈᨇᨘ ᨒᨙᨆᨚ ᨞

Baca :

"Ala kunawa-nawaga bali ritengnga laleng tekkutampu lemo"

Pengertian Kata Sulit :

Lemo : Macukka (kecut)

Arti Kata Galigo :

Tennamennengnge uwisseng memengngi de' nannennungeng atimmu lao ri iyya', majeppu lebbi riolopi atikku maccacca ri idi'

Pengertian Umum :

"Seandainya lebih dulu saya tahu bahwa hatimu tidak menetap pada saya, maka sungguh lebih dulu aku meninggalkanmu"